umluut.ch hät sich zum tsiil gsetst, ähnlich wie noed.net im internet ä presänz uufzbouä, wo hauptsächlich dezuä diänt, oisä scheiss unter d'lüüt zbringä. Es wird mundart-rap i allnä farbä und formä zum downloade gäh. mir händ ois umäglost, equipment gchauft, infos iigholt und (voll)kontäkt knüptf zu paar andrä studios, teils professioneller als mir, aber nichts desto trotz mitemä ähnliche ziil vor augä. Jetzt bliibt oi nüm vill anders übrig als abzwartä, und ab und zuä mal verbiizluegä, was gangä isch - mir mached was mer chönd!

d'gschtaltig vo umluut.ch isch komplett gchlaut und bim beschtä willä nöd uf miim mischt gwachsä. ich weis, das isch moralisch inkorräkkt, denäbed und abgrundtüüf böös - und gahtmer sowas vo am <zensur> verbii! für alli, wo sich adem stööred und uufregäd, dörfed mir es mail schriibä mit oinä gedankä und bedänke - vilicht bechömed er sogar ä antwort, wer wäiss.

mir möchted allnä wo umluut.ch unterstützed und ois ghulfe händ, hälfed und hälfe werdäd danke säge. Ebäfalls dankä a all, wo mit ois zämeschaffed, und di glichä ziil im aug händ und verfolged wiä mir. Es bsunders mässi tuusig gaht a folgendi Lüüt für bsunderi Unterstützig und Hilf: Oliver Erismann @ musicplace.ch vowäge Mikrophon und so, Christian Strickler @ noed.net vowäge Mischpult, ändlosä Gspröch vowäge sinn und unsinn und natürlich dä Vorbildfunktion, Andri Tremp @ promusic.ch vowäge Ploppschutz, Neutrik und Grundlageuufklärig, Daniel Hermann und en huufä anderi @ aightgenossen.ch für d'Hilf, di guetä Raatschlääg und d'Soundchartä und all Lüüt wo regelmässig uf umluut.ch oder bschiisär.ch verbiisörfed, und dä Grund für all das sind. Mässi au für dä regelmässigi Arschtritt superplus mit aalauf und Stahlchappä, uf das ändlich mal was gaht! Falls fragä uuftaucht sind, oder Ihr mit öpisem nöd zfridä sind, schriibed es email und säged was lauft! Bliibed dra und tschäggeds regelmässig uus - ihr wärded vo ois ghörä!